Page 21 - allegorie

Asparinu

'Nta l'ucchiuzzi cilistrini,
focu e saitti di vulcanu;
nasu, aricchi e labbra fini
di «Tuotuò• napulitanu

(scatti e mossi sù felini!).

Sempri 'n cursa, sempri 'n chianu
- pari quasi un stramannatu -
etta faiddi di li manu,
comu fussi un furminatu:

(però, spissu, è gghiuculanu!).

'Nte sacchetti un arsinali:
...pinni e làpisi a culuri,
taffità, mìricinali,
tabbacchera, chiova, fiùri

( ...forsi puru un gniritalì!).

'Na tinagghia, 'u sillabbariu,
carta iggienica, supposti,
'u cumpassu, 'u caJinnariu,
un prontuariu d 'i Posti

(e 'a curuna du rusariu!).
Cannucchiali é talismanu,
spau, smorfia, cirina,

71