Page 29 - allegorie

A v i r i ...

Aviri
- ammucciuni -
'na zita affittusa
chi
quannu cci passi sutt'ò barcuni
russia
e ti jetta 'na rosa...

...Chi ò tùmmulu 'ntriccia,
eu ll'occhi lucenti,
i fusi abbuttàti di linu;
e pripara sunnannu
nirvusa
pinzusa
'a sbota a 'na cutra d 'a rota...

E, a certi pinzeri,
suspira e cancia culuri.
E, mentri finisci 'na rrama di ciuri,
arrisagghia
vardannu i raggi russigni du suli
chi già tracuddau a' muntagna;
e cci nesci un suspiru
chi accurza l'attisa di vìriti,
arrassu,
chi scinni accavaddu d'a mula,
vistutu ch'i caus'i fustagnu
e 'a bunaca di ntoccu
a culuri di mustu:

79