Page 53 - allegorie

Doppu tant'anni...

Doppu tant'anni, arrè ccà v'attruvai
...«Maistrina du Voscu» - carinusa -
e gghivi a ciclamini; e li 'nfasciai
pi vui, sempri aggarbata e giniusa.

Fra scogghi e macchi vi li zicchiai,
'n mezz'a zabbari e spini a la rinfusa;
e mi puncivi, e puru sanguinai:
la cerca forsi fu troppu affannusa...
Cci misi 'nto mazzettu li sò fogghi
-e eu mmanu trimanti l'aggiustai:
un ramu di mintuzza, satareddu
chi fannu aduri comu a eu' I'assogghi...
Si cc'è lu mali 'nta 'ssu mazziceddu,
faciti finta c'un vi lu purtai!

AURELIO • Favignana, 12 novembre 1966

103