Page 56 - allegorie
P. 56
Erici pueticu
Fu gilusia o ecu di Fougnana
'stu gran radunu a Erici?- Ma allura...
Fannu lu giummu 1 a Trapani e 'nta chiana:
(ma cci fu 'ntricu... o fu 'na cugnintura?).
Paceca, Sciacca, Arcamu e Marsala
acchiànanu cuntenti supr'ò Munti:
pòrtanu ciuri e versi di gran gala,
e amuri e arduri sicilanu 'n-frunti.
Di tutti li cità d'i quattru venti
vennu li grossi calibri agguerriti
...e scòprinu chi 'st'arab'i punenti
arrègginu 'n-puisia - e sunnu uniti.
Erici è 'na minera - e si sapìa -
di pueti vecchi e novi, e littirati;
fimmini beddi e «cosi di batia»
ispìranu gran versi a li sò vati!
Ortu di lu sunettu e du vulgari
chi cultivaru Ciullu e lu Fudduni,
e naca di tramunti senza pari
(Virgiliu scrissi c'un c'è paraguni!) .
Currìti, allura, pueti siciliani,
e gghitivinni ò Bàliu! Sciamati: ...
chinu lu cori di visioni arcani,
vàrdàti mari ed Isuli... E cantati!
AURELIO • AprUa 1965
1 nodo con fiocco; u.santa amba per non dimenticare di risOlvere qualcosa
106
