Page 3 - ambiente

A Ciccineddu Caninu, doppu 'a licenza

Caru cucinu,
tuttu comu prima!

'I vecchi amici, sempri comu frati
- parlu di li «tirribbili» picciotti -
càmpanu stintateddi ma cuntenti,
eu' di spiranzi e eu'... di spiriènti.
...Si sfùttinu,
cci tìranu 'u trissetti,
- Mauru, Francischinu, tò cumpari -
sbòtanu mezzu munnu c'a linguazza,
...sempri, comu a Bajoccu, jttàti 'n piazza.
'I vecchi tutti boni:

'n'quannu 'n'quannu,
pinzannu ae beddi tempi ri Di Pietra,
cci tòrnanu vampati r'odiu anticu
e 'nchiòvanu fra d'iddi 'u megghiu amicu!
Tutti «taliànu bonu», tesseràti:
però,... sicunnu 'a scola d'unni vennu,
cci su' 'ddi quattru soliti scuntenti
chi quàgghianu s'un su' contru currenti.
'A burghisìa, 'a mastranza e quattru corva
sunnu a villiggiatura a Punta Longa,
mentri «la nubirtà» passa 'a staciuni
'nte villi- e 'nte casini - d 'u Burruni.

Pèrsimu a Raffaeli: 1
lu gran farcu

1 Raffaele Bonaria, ragazzo sardo, che viveva di ciò che trovava in montagna

189