Page 4 - ambiente

morsi comu campàu, sempri sarvaggiu!
Lassàu all'amici 'i 'rutti e 'i so' pagghiàra,
tuttu chiddu ch'amàu. Poviru «Nara»!
Si mantinni patruni d'iddu stessu,
stimannu l'omu menu d'ogni armàlu;
sulu eu' sapìa jri a sdirrupuni
eu iddu cinti-cinti, era amicuni.
'N paìsi straniàva:

'dd'ammuìnu
'ddi quattru - facci, 'i 'nfami, 'i carugnuna,
ricìa chi... fannu vèniri 'u giulìu! ...
Pi cchissi è mortu: iò critti chi si nn'ju
e 'u jvi pustiannu macchi-macchi,
friscànnucci, chiamànnulu 'nte 'rutti,
viòla-viòla' i 'mpronti soi circannu
di Sutt'aò Passu aò Faragghiuni: quannu,
...mentri stava vivennu a' Rutt'ae l'Acqua,
'nta conca, 'na palumma, comu un razzu,
mi scoppa rintra e cerca di pusari
'nt'on orru; ma mi vitti rriminari,
jttàu 'na vuci, si sbutàu di schinu,
'nfrantàu 'nt'on spicu e scìu eu 'na virata
chi cci spugghiàu di pinni 'na ciancata!
...Avissi statu 'a siti
-o la 'mprisazza-
(pi li palummi 'unn'era temp'i cuva),
quantu 'nt'ò 'n lampu torna e si va mmetti
supr'ò 'n scughiazzu,... a tiru di scupetti.
Pinzài: palumma nova...

'un sapi e 'un timi
quantu è fitusu l'omu a 'sti suntrati!
...P'un gniritali d'acqua si joca 'a peddi,

190