Page 62 - Musica_di_tradizione_orale_2013

X. 9. La musica di tradizione orale 243

Pasqualino 1992: 226-229 e il capitolo Narrazioni e narratori in questo stesso vo-
lume). Riporto il testo trascritto da Mauro Geraci nel libretto allegato al CD che con-
tiene il relativo documento sonoro (cfr. Carpitella/Lomax cd.2000: traccia 15):
Non si fici pi nnenti arraggiunari
l’omu malvaggiu e cchinu di fururi,
a la cchiù nica si misi a guardari,
a Graziedda ca parìa n’amuri
ca di la matri stava fora manu
quantu quaranta metri cchiù luntanu.
A fìgghia stava cchiù luntanu picchì quannu ci sparau a sò patri scappau picchì si
scantau.

Pigghiau la mira lu malu cristianu
a la fìgghia cu n’òcchiu tantu finu,
ci spara e la firìu a lu vilicanu
e p’ammazzalla ci currìu vicinu,
Raziedda si ci misi addinucchiata
prigannu tantu a dd’arma dispirata.

A figghitta si ci misi addinucchiata e ci dissi: «Don Cìcciu, chi v’a’mu fattu nuatri?
Me patri seimilaliri vi duna». A matri dissi: «Assassinu, non vidi a dd’anima innoccenti
comu la prega». Ma l’assassinu, signori, non si fici arraggiunari.

Ma lu malvaggiu mmiscau na pidata
e l’abbattiu dda nterra nta na vota,
dopu ci duna na gran pugnalata
ca la fìgghia si fici côta côta,
non suddisfattu poi la pidiau
finu ca morta nterra la lassau.

Taliati, signori, comu l’assassinu la lassa morta dda nterra. A matri dissi: «’Ssassinu
m’ammazzau a fìgghia… Ah! – dissi – Patri eternu e chi nenti vu’ viditi». La matri dissi:
«A fìgghia m’ammazzau
che nenti vu’ viditi Santu Diu?»
Mentri forti lu fìgghiu s’abbrazzau
e l’autri ddui ad idda li strincìu.
Facennu vuci: «Basta, non sparati,
a chisti figghi cchiù non mi mmazzati.»

«Don Cìcciu – dissi – basta! Ci sparasti a me maritu – dissi – m’ammazzasti a fìg-
ghia, ora basta! Don Cìcciu vi pregu, pi l’amuri di Diu siti cundannatu a l’infernu!»