Page 12 - allegorie

..~
. ·. ·~

., '-

Amuri e scantu

Mi mettu a' sicchialora e mi quariu
jornu pi gghiornu, 'n brazza a 'stu me' mari;
però... chi suli è quannu 'un ti viu?
Nesciu c'u cani- o 'n mmarca- a tampasiari;
pensu... mi 'nfuscu... Cercu sulu a tia,
cull'occhi e 'u cori sempri a firriari!
Mi scanzi? Stai ammucciata, ninfa mia?
Sì ò specchiu chi t'alliffi?... O, capricciusa,
cuvi e pripari quarchi maàrìa?
Tu sì lu me' turmentu e la me' musa,
e gghiò... un suvareddu a lu marusu,
chi annachi e arruzzulìi, sempri scattusa.
L'orru d'a chianca ammola: è rascaddusu;
m'arrassa la risacca; e un cavalluni
mi sbota e poi m'abbudda... - Spiranzusu,
vistutu d'arca, 'nta 'ssu calacciuni
trasu 'n currenti e cercu di sprajari...
Ah, si t'attrovu, mi jettu addinucchiuni!
- Sùsimi!... (S'addimuri, pò' 'nvicchiari!).

AURELIO· Favignana, agosto 1969

62