Page 13 - allegorie
P. 13
'A musca*
Dulura, bottantesta, la ciufìa,
murriti e test'i vini racatusi
nun sunnu- sarv'ognunu- cuntaggiusi;
vennu o li senti quannu pari a ttia...
La vàddara 'unn'è mali ch'ammisca
ma pò spuntari roppu 'na furzata;
eu l'havi si la teni rivardata
facènnucci vagnoli d'acqua frisca...
'A «musca» è diffirenti!...: è 'na 'IÌfruenza
chi sbota 'u ciriveddu a li pirsuni
'nto fari e sfar'a luna; di staciuni
o quannu si profila 'na licenza.
La pigghi a tanti banni: e, tempu nenti.
agghica 'nta 'na littra 'n puisia
(unni si cunta di 'na ciminìa)
'nfittannu li sinzibbili parenti.
Picàti, lavativi, maàrìi,
dicotti, camumidda, ciur'i marva,
...nenti chi giuva... nenti chi ti sarva!...
'Unn'arraggiuni cchiù, ma strabbulìi: ...
« •••Chi fudda! ...Quantu povir'addannati
chi tennu la vardedda e lu vuccagghiu
tra fetu di scarsizzi e di travagghiu...
Livàtiv'i ravanti... 'un m'accupati...! ».
63
