Page 8 - allegorie
P. 8
Aja, mola; aja mola... *
Tu nascisti p'addannari
tutt'a ciurma d'a tunnara;
capitài 'nta tò lampara
e nun pozzu cchiù scappari.
Lu me' sonnu t'arrialu
- Aja, mola; aja, mola...
penzu sempri a 'ssi cannola
(comu 'u ràisi ò pisci malu)
- Aja, mola; aja, mola...
Hai l'ucchiuzzi scriziati
di sirrània e di murina:
vonnu a tia pi riggina
celu, mari e pisci spati.
Hai di santa li fattizzi
- Aja, mola; aja, mola...
ma 'u tò cori posa e vola:
·hai un diàvulu 'nte trizzi.
- Aja, mola; aja, mola...
Persi tutta 'a valintìa:
sarpu àncuri e nun suru!
Ma s'un sarpu 'n marca a tia,
restu schettu, ti lu giuru!
• «Dàl moro!» (Nenia araba delle tonnare, col motivo del ritornello ripreso
dall'originale cialoma dei tonnaroti)
58
