Page 84 - allegorie
P. 84
E pìrita di moru
di contri-ventri a gghiotta,
di «Cos'i rintra» a bbroru
c'a cipudduzza scotta:
a ... chiovu di carrettu!
Di cosi ri tunnara,
virticchia, carrubbeddi,
d'aranci e muntunara
o di babbaluceddi
...Ma chi pruvat'e bbàcaru!
E 'u pìritu c'a pesti
d'u cani addurmisciutu
sazziu d'ossa e testi
di cazzuneddu 'ugghiùtu
misi 'nto bbror'i pasta?!
E 'u pirit'i parrìnu?!
E chiddu d'u malatu?
E 'ddu prufumu chinu
di càntar'annacatu
d'agghi arrustuti, càuri?
Pi ttussi o p'a furzata
cc'è 'u piritu scappatu,
a ffrìscina allintata,
ò vecchiu smatinatu
chi si cci pigghia còllura...
'U pìrit'in carrettu,
'ncingàtu, a zummiàri,
e chiddu a mufulettu
sciùtu 'nto caminari:
...mufùciu, d'a cuntrura...
134
