Page 79 - allegorie
P. 79
Paisanedda mia...
Cu' siti?
Cu 'ssa bedda 'ncuddatura
e 'ss'occhi celu e meli;
e 'a pilatura
càura, di sicarru d'annurìnnia ...
Di chi mari e chi celi
ccà viniti?
E d'accussì aperta, allasticata,...
( 'na parma!):
eu' vi scinnìu d'un tronu,
d'un quatru o di 'n'artaru?
Maritata?
.. .Iò mi facissi latru!
...Avìssivu parlatu 'a lingu'e fora,
da Svezia o da Girmania,
...pacenza! - 'Na strània...
E, 'nveci, cchiù d tuttu m'attraìti
- santu manàja! -
pi 'ssa vostra parlata chi sdisarma.
Quann'era nieu
purtava 'nto parlari 'a stess'ancata
- precisa-
la bonarma di mè nanna:
foògnanisi 'n petra,
comu si parla ancora a Poggiamicu,
a' Praja , a San Gniuseppi,
'nto chianu di Sant'Anna.
129
