Page 78 - allegorie
P. 78
Paganisimu
Suli c'aspetti chi ti veni sutta
'dd'Isula nostra - bedda jornu e notti,
e ti l'abbrazzi e ti la vasi tutta
comu 'na matri; e 'nfochi li picciotti...
Ventu c'ammutti varchi e niulati,
e arrobbi e scanci nèttari a li ciuri;
c'annachi jardina e costi 'mbriacàti
di satareddu - e vai spartennu afruri...
Mari chi canti in versi, a la scurata,
e ti fa rima ed ecu 'na campana
chi spanni paci eu l'Avemmaria:
...mannàtimi 'na zagara, 'na Fata,
'na ziffa 'nchiusa 'nta 'na purciddana,
'na stidda chi m'illumina la via.
AURELIO · Sampierdarena, 18 maggio 1956
128
