Page 73 - allegorie

'Ntussicazzioni 'nte vuredda

Senza tirari varchi,
senza satari mura,
'un ghennu cchiù 'n carrettu
e usànnumi ogni cura,

finìu chi mmanciu picca
e- cosa ch'un si criri!-
puru 'a cucuzza a bbroru
è forti a ddiggirìri!

Tantu m'arrimuddàu
'a panza ('dda gran panza!)
chi ccuntu 'i masticati
- comu voli 'a crianza.

P'un pumamuri virdi
('ntinìri era, pi' mmia!)
semu arrivati a mmèricu:
chi, tasta e tuppulìa,

-sorrida..., faccia illecco,-
truvàu nall'urganìsimu
'na forma di scurrenza
chiamàta «meteorìsimu»:

chi è, spiegata megghiu,
comu 'na surfarata
chi pporta... ventu e ciàuru
- finu ch'unn'è passata.

123