Page 74 - allegorie
P. 74
Perciò mi misi... a' tàula
a llatti d'a matina,
broru, schifìi 'nta ll'ostia,
cristèri e idrolitina!
Poi... mi farrà sazzari
- si 'nto frattempu 'un moru -
fra 'na ricìna 'e jorna
ddu' cipudduzzi a bbroru...
- Cotti, capisci?! Cotti!...
Ah, li me' gran 'nzalati
a ssolu di cipudda
eu chiappàra, patati,
'uredda, pumamuri,
scapèci, 'u citruleddu,
'u rrìanu, quattru spezzii
e d'agghia u' spicchiceddu!
E 'ddi piattun'e cùscusu
c'ammògghiu 'nto piattinu...
...'Na cucchiarazz'e lanna
e un ciaschiteddu 'i vinu!
'Un n'arrignava lippu
tra stòmmacu e curata
quannu m'abbiviràva
eu ll'agghia 'a gnucculata...
...Pi gràpiri 'u pitittu: ...
rrizzi (mezza cartedda),
oppuru... un toccu a purpa
o ... un piattu di patedda...
124
