Page 88 - allegorie

d'arsìra...!? E' 'u pani cottu chi t'abbròma,
o 'ddi schifìi di pìllulì. - O jardinu
cci 'a siminasti 'a marva? - Si, a ttò soru
cci siminài!... Chi ti l'ha' ffari a bbroru?

- Picciotti, aràciu, chi mi veni affannu...
- 'I 'ngrisi su' chi ti futtèru, liùni! ... 3
- E 'a rintèra nova comu tira?
- Màsticu! ma si mmanciu assai di sira

pìrita tutt'annotti e attacch'i rogghi:
arsìra mi curcài for'aò pirterra
ma l'ùmitu mi sbummicàu 'u catarru.
- T'u curu iò:
ccà cc'è mezzu sicarru!

-E accurza 'u passu, chi ti vegna un temu!
Sempri Mauru sì! Virennu 'Oscu
pari chi pperdi 'u pàliu! Cu 'stu caddu,
s'e nnèsciri eu ttia, vegnu accavaddu!

...- «Rrenu! ccà Rrenu! Varda 'stu bastardu
chi ssata 'i mura e lleva cucucciuti!
- ...E 'i picciriddi scrìvinu? - Sfirizzi...
'a 'Ranni
havi arrè mali prinizzi

e bbòli ddà a sso' matri pi' settembri...
-E mannaccìlla! Ccà chi si cci trova?
- Bravu! Cci 'a mannu... ! E gghiò ccà comu fazzu?
- Ti nni veni eu mmia:
c'un matarazzu

3 Vito

138