Page 92 - allegorie
P. 92
Rriticulati
Mugghéri e figghi, m'ati a pirdunari
ma stanotti pinzava, oltri a vuiatri,
ò'n lemmu 'i ficurinnia rugiadusi
chi 'nto quaranta, all'ura d'a partenza,
lassài ò Mulinu a Ventu, 'nto pirterra.
Pinzava: 'n pinitenza aè me' piccati
scuntu 'i ducizzi chi gudìvi allura...
Ma si mi dumannassi a'a spinziràta:
- «Quantu Polonia ti facissi ancòra
«p'un misi di Fougnana eu 'i to' frati?
«...Pi 'na cacciàta a ttùrtuli a' muntagna?...
« 'Na ghiotta for'a porta ò'n malasènu...
«O 'n'allampàta versu Cala Ranni?!!...».
- Se' misi di 'sta vita,... m'j jucassi!
Eppuru haju patùtu gran pitittu,
e 'amala vita ccà havi tanti nnomi:
sbirri turischi, avemu 'u piruccheddu,
nervi, mali nuttati... C'è 'u polaccu
chi ti leva 'a cammìsa p'a vastedda...
Gran friddu e... autri peni curpurali
di jornu e notti... - E poi 'i rriticulati
a dui e tri magghi... Chi rrizzi 'nfardàti!
Ma si a 'ddabbanna du rriticulatu
c'è friddu e chianu stràniu; e l'orizzonti
cunsisti di tri punti cardinali,
...'n'àrvulu, 'na garitta e 'n'autru campu,
142
