Page 96 - allegorie
P. 96
Riutùra
'U tempu è friscu; misu a' sicchialora
ti piaci ri vardari 'u mari rossu
d'a mmatticata. Cu l'abbrìviu 'i fora
'a sbuffatura acchiana 'nto riddossu:
'a rritiragna di li cavalluna,
nna lu riùgghiu ammasa, c'à frattina,
còppuli 'i turcu, abbroma, ammariuna
e ciàuru di funnu di marina.
1 Un aragghiuni, stancu d'abbuddàri
sutta la scuma, a stentu 'nte marusi,
arranca a' òta 'e scogghi du Chiaritu.
...Cci semu, frati meu; 'un po' sgarrari,
su' cinquant'anni! ... e 'st'aragghiuni è Vitu
'n cerca d'abbentu2 e zotti ri vavusi.3
VITO · Bombay, 25 agosto 1942
t radica d'alga marina
2 quiete
3 conchette in riva al mare, frequentate dal pesce bienno
146
