Page 98 - allegorie
P. 98
S'ammucca, frati,... è panarata china!
Chi ppisca e ppisca, cchiù?! - Rapu putìa!
Mi vinnu varca, lenzi e bullintina,
càrricu 'a pipa,... e guai a ecu' mi talìa!
Si 'mmeci all'arba trovu 'u bullintinu
iccàt'i chiattu, e l'amu pulizziatu,...
Eh, allura, santu Diu, tuttu è distinu!
...'Un cc'è maistrìa! E' propriu sintinziatu
chi 'u scarsu hav'a girari chianchi-chianchi
piscannu a munaceddi e purcidduna,
cuntentu si ppatedda, alaò e vuccuna
'na vota aò jornu cci arricrìanu 'i cianchi.
...Ma iò, p'un mi 'ntistari comu 'i muli,
'nta 'ssa post'é murina, ò Calacciuni,
cci pistu quattru macchi 'i camarruni: 2
cci fazzu 'a cruci supra; e a' sciut'ò suli
cògghiu panaru e frìscina e m'abbìu:
va' ffazzu 'a me' vinitta gnuni-gnuni,
avvilinannu l'isca e Iu camìu:
...Cu' chianci, chianci,... calu 'u sciabbicuni!
AURELIO · Genova, 1928
t euforbia (il cui succo avvelena i pesci)
148
