Page 94 - allegorie
P. 94
Quarant'anni
Puru si cci trasìvi a spinzirata,
cci l'haju, e mi cci trovu propriu beni:
...cci scartu l'arca, e dintr'a rizzagghiàta,
ritrovu tanti gioi - e tanti peni...
Mi manca un fìgghiu màsculu: p'u rrestu
haju ancòra a mmè Matri, 'a mogghi aràtta,
fìgghi giniùsi, 'i frati, 'u cori onestu,
sugnu sirenu 'i testa: e 'a fibra appatta.
Pozzu arrivari 'n portu di 'rrancàta
e - si cci voli - armàri ancòra 'u rrimu:
s'u ventu scinni 'n puppa, all'attraccàta
ringrazziu a Ddiu... e l'avvinìri 'un timu.
I me' prugetti su'... chiddi chi sunnu:
1reci anni ancòra di travagghiu ò 'mpèu,
e poi mi spalu 'i rrima e dugnu funnu.
...E fìnu a ottanta 'i passu a bbersu meu!
I trìbbuli passàti -o ch'he ppassàri -
mi pàrinu viscotta e cannamèli!
(Essennu carculatu socch'he ffari,
sugnu sicuro ch'un mi scatta 'u feli!)
Supr'ae me' piani, chi oramai su' nnoti,
mi sentu fermu, dunt ... e bbonu misu:
eu' si metti a ttraversu 'nte me' rroti,
mi trova a tuttu rùmpiri dicìsu.
AURELIO - Internato militare a Norimberga, 25 marzo 1944
l che divennero venti!
144
