Page 11 - ambiente

A primu tirrenu *

'A costa è a cchiu d'un migghiu, e già ti senti
abballariàri tutti 'i sintimenti:
e t'arruspigghia 'u sangu e li pinzèri
c'u ciàur'i cantunazzu d'i pirreri
e ll'erv'aè mari chi s'asciuca ; 'a rrina
d'i fossa sburrichiàti a ttrimulina,
'i chianchi, l'acqua sicca d'a cuntrura,
'a terra, 'mmriàca 'esuli, chi svapùra...

-Sbarcàmu tutti?- Fora trusci e sacchi!
-Cci semu, picciuttazzi! Ajsàmu i tacchi:
e... sveglia, ch'u pitittu n'assicuta!...
E arranchi: ma c'a testa 'nzalanuta,
ammaraggiàtu cchiù di 'mmezz'ò mari...
Quantu rriòrdi chi ttorni a 'bbrazzari!

...'A prima zotta, un scogghiu, 'a prima strata
chi porta 'n paìsi; un muru, 'na pinnata,
un pass'i chiusa! 'I naschi dilatati
- di ciàuru a ciàuru sempri cchiù spinnàti -
vìrinu cchiù di l'occhi: ... un mazz'i ligna...
(sarrà rarrè 'ssu muru! E cc'è ramigna,
bucàlia, barcu...) - Attacca, Farfareddu !1
- Cci 'a ramu 'na buttazza 'nta Traviata?
- A' post'è l'orvi! Senti 'sta cavata:
«Leooono...ra addio!» (S'u senti sò cucina
è cosa fatta! - 'U sai chi 'stamatina

• sbarco stùla costa degli studenti favignanesi, per vacanze estive
• soprannome dell'amico Francesco Venza

197