Page 13 - ambiente

A Salunardu nicu

Curtigghia eu alòfar'i Spagna
e girànii; e tuttu l'annu
ciàuru di pisci arrustuti:
'stati e 'mmernu,
Pasqua, Natali,
zzitaggi, vattìi... Sempri!

Puru ne' simani da fami,
quannu 'un si pisca e 'un s'abbusca,
'na manciat'e ritunni
o sardi o sareddi,
s'arrimèddia sempri.

Ma 'un si metti pignata;
e 'n casa
stannu tutti quèti:
atti,
picciriddi,
vecchi già stravacanti e abbizzàti. 1

E nuddu nesci
e nuddu ciatìa
e nuddu canta (mancu inchennu l'acqua!).

Cosa antica
e 'a fami 'nte cas'i piscatura!
Cosa raggiunata,
cristiana comu l'amuri e 'u piccatu;

1 avvezzi

199