Page 18 - ambiente

e d'i trisci 'n siccu
chi pàrinu vrischi di meli
abbannunàti di l'api,
carrichi di patedda e silenziu.
Niscitivinni prestu,
prima chi scura,
p'un vi scuntrari c'un mammaddau 1
c'assicuta 'na malùmmira;
o- peggm-
c'u ricordu d'un picciriddu
chi arranca appressu a 'na Fata
c'a sporta china d'àlofari sarvaggi...

Chi festa, scappari
e arriddussàrisi 'nta 'na casa
chi odura di sùvaru sirratu friscu,
d'ervaspicu,
di puma,
di buntà!
E addumari un lumi a pitroliu
e truvàrisi attornu
facci
cori
manu d'amici! 2

For'a porta,
supra l'ànnatu,
'na manciata di rizzi frischi
mancu spaccati...

Sonnu a occhi aperti,
m'addannu,
struluchìu di luntanu,

l Dragut o Dragomanno, il corsaro saraceno, catturato e sepolto a Malta
2 la casa del barone Domingo, a Pozzo Vecchio

204