Page 23 - ambiente

Cuncrura

Suli chi avvampa: roppu mezziornu
ciacca li petri, nun ti runa abbentu:
p'a Chiana c'è scunfortu, e ogni jornu

ri sènia havi un lamentu.

Mentri ti senti 'u cannarozzu siccu
p'un disiddèriu d'a tò lagnusia
d'èssiri tarpa e fàricci un pinniccu,

ti pigghia 'a sfirnicìa
ri mèttiti a pinzari: ...

ri bottu - comu fussi a trarimentu -
li làstimi cchiù 'ngrati a suppurtari
t'agghiàccianu lu cori. Strurimentu!...

E la tò vita 'ntera

chi viri sbummicata 'nt'on minutu,
...c'a mogghi chi ti manca ri manera
o eu' 'ddu certu ternu mai vinciutu:

p'u fallimentu di li to' spiranzi,
li nervi sinni vannu a la malura.
T'ammazzi? ... E chi nn'accanzi?...

Ricurri a li duttura?...

Francu ri spisi e senza 'a chiattiàta
t'u 'nzignu megghiu iò lu tocchessana:

...acchianatinni a posta - a rrifriscata-

p'i tani d'a Campana.

209