Page 26 - ambiente

Cuscusata a fougnanisa

'A nanna a capu tàula
- pi ricanuscimentu di lu sò 'nsignamentu -
e figghi, niputi, ènnari, amici
tutti 'n tunnu. E un piazzaj olu ( ... di chiddi!).
I zziti frischi, assittàti spartuti.

Piatta tutti c'a tòmita
(puru p'i picciriddi). E libbirtà aè linguti.

Pisci di conzu, di nassa, di bullintinu:
megghiu si cci càpita
'na laùsta o 'n aranciu di funnu,
pi signali di viraggiu;
ma, 'nta ghiotta,
cci vonnu 'na sarpa e quattru opi
- chi cci rùnanu 'u sarvaggiu.

'Agghia
veru a strafùttiri : minuzzata
'nto cùscusu 'n cruru appena si 'ncoccia,
e accumpagnata
eu pitrusinu, sali, ogghiu e cipudda
- pi mmaràri i rànnuli misi a 'sciucari
e 'nsapuralli cruri.
Bedda appuntiddata, l'agghia, 'nta ghiotta!
Pistàta eu raggia e currivu,
hav'a papariari!
...E agghia 'nta tazza,
pi l'ammogghiu virdi, vivu!

212