Page 31 - ambiente

Ddà nni mia... *

Un pagghiarazzu
quantu 'a turri nica du mulinabbentu;
quasi un «marabbuttu»
fattu di scogghi niuri
a ccatasta,
(arrubbàti ae Scugghiazzi
- ddà sutta ò Sulottu,
fra 'a Sicchitedda e Battista).

D'i cialaffi spùntanu macch'i chiappara,
alòfari sarvaggi, ciclamini, edera.
A fruntuni, 'na scritta a scarpeddu
- 'n talianu nustranu:
«Ccà s'arrìpòsanu
càuri d'amuri p'a famigghia,
l'amici di Fougnana nostra,
i figghi di Vàrtulu Giangrassu». 1

Rintra,
'na scala a babbalucia finu all'astracheddu,
'na tàula tunna,
e quattru pili (c'u cuverchiu)
- tuttu 'n petra di San Franciscu.
A punenti,
'n facci a Ssanta Catarina,
'u uccaloru du pagghiaru
e 'n'assittaturi di balata
affunciatu 'nto pileri.

• nella tomba di famiglia, costruita nel 1966!
I nostro padre, morto per naulragio nell'ottobre 1909

217