Page 33 - ambiente

'Na palumma manza,
-l'unica cosa viva du pagghiaru-
quasi 'nparsamata supr'ò riparu,
si stinnigghia, si pizzulìa sutt'ascidda
e scinni 'n chianu.

Di 'n piazza
arriva 'na nnangaliata...
« 'Sà eu' veni! » - «Cosi chi succèrinu
ae vivi...!»- «Spiramu ch'è omu di trissetti!

A 'stabbanna,
rarrè 'u muru d'a cala ri Santu Nicola,
'a maretta
accarizza i scogghi allippàti
e gghioca c'a frattina...

D'a Costa Ranni
e d'u Canali 'i ron Mauru
-ora du cucinu Marcu-
l'ecu rimanna i tocchi di l'Avemmaria;
e d'a Chiana
'na friscata d'urtulanu
- chidda ch'i jrita 'n mmucca-
e 'na vuci antica:
«Attùuppa! ».

E' sparsu 'nto pagghiaru
ciàuru di tabbaccu
(di pipa, sicaretti, sicarri),
di coriu,
di bunaca surata,
di giuccu,

219