Page 28 - ambiente

...e macari un pocu sbraciulàti:
(chi cci fà?) .

Vinu?
- Si 'ntenni, un lemmu chinu
beddu assittàtu 'n mucca d'a giarra:
(iò nni mittissi puru dui,
però tuttu di 'na partita);
puru 'u niuru è bonu p'u cùscusu,
ma asciuttu, fìnu, lèggiu e d'a costa.
Bicchèra c'u mànicu, p'appuzzari;
e bùmmula e quartari
nisciùti di 'n friscu;
e sifuna d'acqu'e sersi,
e cazzusi: 'u pirchì si pò 'bbisari.

Ah, i ciuri! - I ciuri di sutt'a gèbbia
cci vonnu, 'n tàula! Ma ciuri senza oduri.
S'è d'estati,

megghiu farisilla all'aria 'ssa cuscusata;
- l'ura? -A ccurca e 'un curca 'u suli. Pruvàti.
Farisilla,... chi ssacciu,... 'nta pinnata
o sutt'ò per'i cèusu, 'nto tornu.
(si ccari un schirpiuni, pacenza:
è ammitàtu puru iddu.).
S'è mmemu o mezza staciuni,
'nt'on malasenu vacanti:
seggi, vanchi e corchi cantuni
pi 'na quinnicina di pirsuni... o quasi.

'Ntisi, però, ch'em'a stari ae patti:
'u cùscusu si mancia càuru
e sbuccateddu d'ogghiu; e 'i pisci

214