Page 24 - ambiente
P. 24
Tu canci ri bulìu
pi mèritu d'u mari 'i Calamuna,
abbunazzati a forza ri camiu
ch'a zifficedda leva ae calacciuna;
e s'iddu p'un mumentu
talìi 'ddi peri 'i cèusu ummirusi
supr'ò timpuni d'u Mulinabbentu,
...ddi casalini,... l'òrtura,... 'ddi chiusi
ancora sutt'ò suli - tracuddatu
allura p'i jardina a Poggiamicu - ...
E' beddu, sai!... l'he spirimintatu
iò stessu; ranni e nicu.
Acchiana!... va', ch'è locu 'i sarvamentu!...
...Quannu t'affacci 'n capu d'a Custera
attrova un postu ò friscu, suttaventu,
'na gnuni 'nt'a fruntera
unni cci veni rrastu d'ervaruta,
di satareddu 'n ciuri e di ristuccia:
ri ddà ti gori 'u Voscu, a ntrubbunuta
r'u suli chi s'ammuccìa.
...Un cantu 'i cirruviu
spersu nne' chiusi, ò ddrittu d'u Sturneddu,
mentri arriciala tuttu l'ariddìu
ch'era p'i macchi d'ogni rappareddu.
E' l'ura 'Avemmaria:
muscia, 'n canali, 'n mezzu li currenti,
,na vela-ri schifazzu abbattulla
ò largu d'u Marètamu. A punenti,
210
