Page 21 - ambiente

Ammari,
all'orizzonti,
'n terra, fora,
...nuddu!

'Nta calicedda sutt'è Giusippinu
- sulacchialora! -
tri petri nìuri misi a cufularu,
eu 'na manat'è rràrichi vicinu,
t'ammìtanu a 'na ghiotta marinara...

Rrisenti 'u ciàur'i l'urtima 'nzalata
eu cipudda e citrola,
patati, acìtu, chiàppara, tunnina,
...viri arrè ddà a tò nanna ch'a rrimìna...

Etti 'na vuci,... e l'ecu ti rimanna
'a vuci di quann'eri picciriddu...

.. .'N costa, sparsi,
fruntuna gianni e grici di pirreri;
spraiàti a' rriva
còppul'i turcu, spunzarini, arca.
baddi assuppàti,

...'Ntòntaru un vurgiuni, 2
a' posta- o jttatu fora di sò mogghi-
papìa eu ll'occhi ò celu, 'nt'on fussuni
unni calaru l'ùmmira du' scogghi.

'V mari è timurusu. 'un sbatti, 'un frai,
'un pò èssiri salatu: è 'nfrariciutu...
eu ll'autru mari 'un s 'hannu vistu mai!

2 pescìolino di costa, ghiozzo

207