Page 17 - ambiente

Balati

Di puzzu Vecchi a' Cala di Battista,
balati... e poi balati:
e chianchi
e zotti
di paisi lunari, 'ncuntaminatu.
L'urtimu a camiari 'nta 'na cialaffa di chisti
- o a calari un bullintinu
'n testa di 'na chianca-
forsi fu tò Patri
o tò nannu
o tò frati ...
- Quannu?!-
Deci anni fa,o cinquantanni, o un seculu...
Tani e posti
canusciuti sulu 'n famigghia,
battuti sulu d'i roi
e di quarchi cirruviu scumpagnatu.
'I stessi cunigghia mastri,
'i russeddi, l'arbazzi
si scàntanu di l'ùmmira
quannu
a' curcat'ò suli
ogni scogghiu addiventa un mostru.
D'u Sulottu
'u ciàuru d'aruta e satareddu.
chi scinni 'nto ricali,
si scontra c'a rina russa,
curaddina,
cull'afruri d'a risacca

203