Page 29 - ambiente
P. 29
senza pani
- megghiu accumpagnàti c'u cùscusu -
a tocchi rossi; o sani, 'nte piatta;
chiddi smuddicàti,... ae atti!
(E priàti a Diu c'un si trova a passàri Màuru!) .
...'Nfurmàtivi, arriulàtivi;
tutti i ricetti sù sbagliàti: 'u cùscusu
è un piattu ch'è 'na puisia,
e si fà a corpu r'occhiu,
...eu amuri e fantasia!
Brìnnisi... «a vvinu»,
a cori chinu o di testa,
a rima 'ncatinata o rutta,
prima d'a frutta (frutti d'ortu, ah?!):
sicunnu staciuni, rrarìci, trussa, pumamuri
ma 'n tinìri!
...Pò nnèsciri, a 'ssu puntu,
-a ttrarimentu, birbanti!-
'na 'nzalater'e «sputegghètta» fritti
...o un purpu ugghiutu fumanti;
...o 'na chitarra!
(eu' l'havi stritti,
s'allarga suttapanza e crapistu...
- tantu, è quasi scuru!) .
...E macari quarchi abbrazzu, liànu,
aspinzirata, ma scanzannu 'a zita,
fra parenti sciarrèri
o mussiàti fin'aèri: - «Teh, un vasuni,
cugnata! Tu sì cchiù nica,
215
