Page 38 - ambiente
P. 38
Ecologìa ...o vicchiaja?
Vitti 'na niriata di cardiddi,
sciuti d'aniru frischi:
( ...picciriddi,
senza so' matri,
suli 'nt'on jardinu... ).
Nichi! C'a scorcia 'n culu...
Parìanu sciamati di l'asilu
- o scappàti di 'n casa,
spinzirati.
...Vardàru u primu armalu chi scuntraru
(a mmia!),
Si ittàru
ciuciuliannu, leti, supr'ò 'n palu...
A bbersu meu,
mi vòsiru ammitari
a gghiucari eu iddi
(o a cantàri!).
Ciuri digni di quatru o di cammèu,
scutulati d'i stiddi
o di l'arvuli 'i pacenza1
e di rranatu...
(Iò, c'à scupetta 'n manu,
- cacciaturi!
scappai affruntatu...).
AURELIO - Favignana, ottobre 1972
t sicomoro
224
