Page 41 - ambiente
P. 41
Firriànnu artàri*
('Nta strat'e Nascaredda, zotti-zotti,
scuru 'ucca ri lupi, quarchi lampu).
Eh, picciriddi, 'unni jti eu 'ssa prua?
- Accùra,... cc'è un scaluni, rammi 'a manu,
...attenta, ...'n'autra zotta! E chi era tua?
...Beddu 'stu quatru!- A fuga nall'Egittu...
Chi Ssantu Patri! Bedda varva! ... E 'u sceccu?
- Talìa 'stu Bammineddu,... chi occhiu affrittu! ...
-Gran ciàuru 'i ciuri!... - Barcu di marina,
giràniu e frèsii...- Si, frèsii a 'sti tempi?!...
-Su' frèsii, frèsii! Ta' chi grasta china!
...E 'st'anciuliddi?! - «Avanti, canuscenti;».
-Ah, tu, Francisca?! 'Un stavi 'agghìri a' Praja?
t'havìa persu di vista,... - T'u rammenti?
èramu a' scola 'nzèmmula, a' sicunna!
...Ma ...vm. eu, s1.t1"?. ... Aspetta, ora cci. penzu...
veru l'havìa 'na cumpagnedda biunna...!
mi pari... ah, si! ti chiami,... già, Maruzza!
(Pigghia tri seggi, attìa, 'nta s tanz'e lettu)
«Trasìti, accummuràtivi,... 'I panuzza! »
- - Beddi bucàla! Ma chi ssu' d'a Cina?
E 'stu furmentu tènnaru 'nte piatta...?...
Chi gran tappitu... Chi cimùsa fina...
quantu oru beddu ,... Chi palummi rrari!
• altarini per la festa di san Giuseppe
227
