Page 43 - ambiente
P. 43
Faugnana
Li lenzi, l'angameddu, un cani allàtu,
'nta 'na matina di bunazza 'i mari:
t'assetti,... addùmi 'ncima,... arricriàtu
vardi luntanu e lassi d'abbuvàri:
d'attornu è paci: ... senza disiddèri,
tra li fraànzi 'i 'n terra e ciàuru d'arca,
ti scùvanu rirennu li pinzeri
e vannu c'a currenti, comu 'a varca...
'Mpunta 'a Liòtta - misu ddà- pusàtu
un arbunazzu pasci 'u so' picciuni...
Pi la me' varca senza calafàtu
sarvatimi un risettu, un calacciuni ...
Oh Calaranni, oh Previtu rirenti,
oh sularinu, tu, Scogghiu 'i Currenti! ...
VITO · Mogadiscio, 19M
,_. 229
