Page 39 - ambiente
P. 39
Faragghiuni
Vèspiru ... Sutt'a Cint'e Mastru Janu,
p'u tanarizzu, 'i pècuri sbannati
cèrcanu friscu; 'u cani è gghiuculanu,
scuva e assicuta abbasciu 'i cchiù stracquati.
a Ccala Gianna, 'na palamitara
servi pi gghiocu o 'n toccu di picciuna
d'arbazzi, 'mpignatissimi a 'na gara
d'asciuddicati r'ala e capuzzuna.
Sutt'o Cana l'i Strò, c'a cima smannu,
surgiutu annaca un buzzu marsalisi;
'u quararu c'a ghiotta va fumiannu
'n terra; e 'i marinari sunnu misi
accuffulati 'n mezz'ae curritura
c'u limmiceddu 'n mrazza; fauciannu
quartia 'u cchiù vecchiu 'na vastedda rura
c'ognunu poi fiddìa minuzzannu.
'Nta cala ppressu, un toccu 'i vajareddi
joca o s'azzuffa.... Supra Michiluzzu
'na tistaredda acchìcchia a ssurciteddi,
struruta pi 'dd'ammuìnu ch'è 'nto buzzu!...
225
