Page 44 - ambiente
P. 44
Faugnana
Mari udurusu fattu di turchisi,
ricchizza d'acqua cristallina e quèta,
mari 'ncantatu di lu me' paisi,
lu sai tu sulu pirchì su' pueta.
Lu sai tu sulu 'u beni· chi ti vogghiu,
tu chi viristi l'anni mei filici
trascùrriri, assittatu supra 'u scogghiu,
pinzannu li puisii chi nun ti fici!
Unni si nni jeru tutti 'ddi manciati
di rizzi, supr'a spiaggia 'u Faragghiuni?
Cu' si li scorda 'ddi beddi camiàti
d'a Sicchitedda, 'nt'e cialaffi a ppicu?
...E poi, 'un babbiamu, ch'hannu paraguni
'ddi gran ca... ntati agghiri a Poggiamicu?
MAURO
230
