Page 48 - ambiente
P. 48
Mulin'a bbentu
S'u sèntinu 'i me' frati chi mi piaci,
l'occhi mi lèvanu!
Iddi su' tutti «Voscu » e «Cala Ranni »,
Cantu di cirruvìi:
iò amu 'ssa tò turri, 'a casa vecchia,
l'àrvuli di miòpiru,1
'ddi quattru parma frischi di jardinu,
'na seggia fora l'ànnatu,
l'àstracu e u' panurama circulari,
un pinneccheddu all'ùmmira...
P'a vicinanza c'u Burrùni e 'a Chiana,
a ttiru di 'n paìsi,
vicinu aè Calamùna e Punta Longa,
si' ttu 'u civ'i l'Isula!
Cci stesi vinti jorna eu mme' Matr-i,
e ecu mme' frati Mauru:
eru malatu; e forsi p'u strapazzu
di 'na cacciàta a tùrtuli,
'na matina agghiurnài chiuttostu mortu
- ... e Mauru ju p'u mericu.
...Mentri aspittava, fìci 'u paru e sparu:
e, a ccunti fatti, giuricài chi mmòriri,
vecchiu, ò Mulinu a Ventu,
'unn'è 'na cosa... propriu 'nsuppurtabbili!
AURELIO - Pikulice (Galizia), 6 marzo 1944
1 oleandro
234
