Page 52 - ambiente
P. 52
S'aggiucca, poi, affunciàtu 'n'on pilèri,
e 'ngrana a raggiunari eu 'i viddani:
'u cani, mentri, scarricàu 'n'ò seri
e si va sburiddannu chiani-chiani.
Di rintr'ò passu un crast'azzaccanàtu
arrastra com'un pràu pirchì, mischinu,
havi 'na matinata ch'è agghiazzatu
e senti chi havi 'i pecuri vicinu...
'U picciutteddu si jetta di traversu
c'a panza china, supr'ò 'n mazz' 'i ligna:
- «Figghiu ri buttanùna! pani persu!
- para 'dd'armàli chi ssu' ddintr'a vigna»
E' chiss'a tò malìa, e nni su' gilusu;
pi chiss'un ti capisci 'u cittadinu:
pirchì ti trova com'un llibru chiusu,
màrcatu d'u me' 'Oscu sularinu!
MAURO - Genova, febbraio 1942
238
