Page 55 - ambiente

Di ddocu fìn'a Rutt'i l'Acqua, un mmivi
e mancu manci. Fatti 'n'arrancata
e ti v'abbuffi r'acqua barsamata
'nta nostra 'rutta. Poi, forti ch'arrivi

a sbuccar'a 'ddu latu, 'nni Vitrànu,
si' a' post'i l'orvi. Mòddat'a dda bbanna
e ddocu... panza mia fatti capanna!
Chiama 'u zzù Mommu e, s'idd'unn'è luntanu,

un caddozzu ri pani eu' llemm'i !atti,
'na fedd'i tumma e 'na vivut'i vinu
sunnu sarvàti. Si di ddà vicinu
'un ti rispunni nuddu, allura fatti

'na firriatedda suttavìa ae pinnati
e gghìnchiti 'a bunaca ri racina
'nta vigna nova. Poi, s'è di m atina,
pàrati pi ddavant'i scurciulàti

e leva manu quannu si' addubbatu.
Ddoc'un s'attuppa, pò manciari quétu.
Però, s'un voi chi ti finisci a fetu,
cerca d'un ci pistar'u siminatu.

'Un ti scurdari, prima di jritinni,
di fari 'n'affacciata n'o puddaru
pi corchi para r'ova. E mancu è raru
'ddu certu 'addruzzu chi cci lassa i pinni.

Quannu si' lestu, addizza p'i Patruna,
naschìa d'unni ti veni 'u ciàr'u fenu,
fatt'un pinniccu rintr'o malasenu
e, quannu par'a ttia, sùsit'e sduna.

241