Page 56 - ambiente

Si quannu ti nni vai t'ha' 'bbivirari,
cc'è 'a stern'u Lupi, ch'è sempri firmata:
vicin'a' porta trovi 'na balàta:
sullèvala, cc'è 'a chiavi, e pò 'ffunciari.

Vattinni tingu-tingu pi ppunenti
'nto Spampinatu, 'unni si vivi puru:
'u sicchiu, ddrocu, sta appizzat'a mmuru
'nta stadda; e 'u pò truvari temp'i nenti.

'A' chius'appressu, s'è tempu r'autunnu,
ci sunn'alìvi 'rossi quant'ae nuci:
frati ri l'arma mia, chi cosa ruci!
Cògghili aràntu, e quannu runi funnu,

'un ti scurdar'i fari 'na firriàta
'nte ficurinnia, pirchì si' ò Chianazzu
e pò truvari sempri. - cap'i... mazzu:
...un «gallo di muntagna», a' spinzirata.

Vistu chi si' 'nto spenniri, e ti trovi
vicin'aò frati Diecu, facci un sàutu:
cc'è, mmezz'a' chiusa, un muriceddu àutu
ch'ammùccia picciriddi 'e cosi novi:

sbergi siccagni quant'ae partuàlla,
chi gghiò mi nutricava tuttu l'annu,
cosi chi pperi-peri 'un ci nni vannu,
...manc'a li cani, vah, cosi r'a palla!

Cc'è puru un arvuliddu ri limuna
citrigni, 'rossi, ruci... ch'è un piccatu
lassalli stari. Quannu si' assitatu
'un trovi nuddu fruttu chi ti runa

242