Page 54 - ambiente

c'à sterna. A ur-i nésciri st'attentu
chi 'u firriggiàr'i sutta s'hav'a jsàri:
'ncàscia 'a finestra forti, e 'u ferru cari.
Ti jnchist'a bozza e tti nni vai cuntentu.

Si vvoi manciari, ddoc'un c'esci nenti.
Appizza agghìri supra, p'u canali
fin'o carrubbu. Levat'u vracali
e mi sa' ddiri, poi, comu ti senti.

'N test'aò canali, appena ti rimìni,
ci sunnu 'i fìcurinnia d'i Patruna
chi, a temp'i 'addazzi, fannu gran virduna
'rossi, senz'ossu, frischi e senza spini.

'Nt'a chius'i ron Libbertu, a centu metri,
c'è 'a sterna rintr'o màrcatu 'i Carmèlu;
ma 'rapi l'occhi, pirchì l'acqu'i celu
ddocu è cunzata eu ppisciazza e petri.

'Un t'abbilìri. 'Anticchia agghìri sutta
c'è 'a casa di ron Niècu: cerc'a chiavi
r'a sterna, ch'è ammucciata mmezz'ae travi,
e trasi rintra, pirchì 'a porta è rutta.

Arrivat'a 'stu puntu m'be scurdatu
di rìriti chi spissu, a tanti banni,
'un trovi cord'è ssicchiu, 'un trovi lanni
pi gghinchiri acqua. E allura ha' gghiri armatu

«come camìna il vecchio». U' bicchireddu
( ri chiddi chi si chiùrinu), 'na lenza
...e t'abbivir'a tutt'i sterni, senza
chi ti vai sfirniciann'u ciriveddu.

240