Page 51 - ambiente
P. 51
'Nt'o Màrcatu
Cu' l'ha capitu mai la tò malìa,
màrcatu r'u me' 'Oscu sularinu?
Cu' t'ha vulutu bbeni com'a mmia
chi du tò ciàuru haiu sempri 'u nasu chinu?
'U sapi nuddu comu s'arraggiùna
eu 'i vacchi quannu, 'a nott'i l'apertura,
'a mànnara è risettu di furtuna
e 'u megghiu lettu è sempri 'a manciatura?
'Nt'e matinati frìggiti fumìa
'a tò cucina: unn'u viddrànu, ascànnu,
pripàra 'u frutt'e attentu lu scumìa -
mentr'u porcu, ri fora, va tastiannu
s'u vivirùn'è fattu. 'U picuràru
ancùgna tingu e nnesci 'a turlintàna
e 'na vastedda.- Com'u marinaru
addrìzza p'a Lanterna, c'a buriàna;
com'u sceccu, affamatu di primùra,
sona p'a stadda comu 'n'addannàtu;
'u cacciaturi, aulànnu supr'ae mura,
tira p'u fumu: essi prisenta armàtu
di bbona vuluntà, cuteddu e panza.
Arriva sempri c'a lacciàta cotta,
eu' 'na famuzza chi... diminiscanza
e si 'jetta a tuttu pastu n'a rricotta!
237
