Page 61 - ambiente
P. 61
Pillirinu.
Firili (com'u cani e 'a Puddara)
vegnu ogni maju: e trovu papparini;
a ottùviru ranati e ciclamini,
e- gianni- 'a parma, 'u urgu e 'dda ficara.
A' Chiana,... o sinacciola o chiusi nuri
ae quattru venti; sénii abbannunati,
jardina sicchi, mura sdirrupati;
- e 'un scontru armali cchiù, nè pirriaturi.
Però,... quant'automobbili! ... Chi pena:
è un chiantu tampasiari pi 'sti strati
senza cchiù duri e mussi, 'ncatramati.
...E mancu un tornu armatu, c'a raddena...
lvi a 'nfruntari a Nillu, ddà a Frà Ssantu
(mezzu sirrania e mezzu pizzirrè! ) :
mi fà: «Figghiuzzu meu, bon'e bbon'è,
«puru ch'i ricalati, iò ccà cci agguantu ...
«Ma tu chi vveni a fai 'nta 'sti pirreri?
«Chi ccerchi? ...Pirchì vai sbutannu scogghi?
«Pirchì scuppuni e 'n prima l'accummogghi?
«-Trovi cirtuna... e vìsini 'nte peri!
-Finché cci sunnu rrasti 'nte fussuna,
caru zzù Nillu - e amuri... e attuppateddi,
...Giangrassi, cirruvii e calannareddi
nuddu 'i scattiva cchiù di 'sti timpuna!
AURELIO • Pegli, 21 giugno 1964
247
