Page 64 - ambiente
P. 64
Sarpiàta
Unn'oppo-pranzi persu chanchi-chianchi,
vardannu a ssarpi; ò tardu, 'na curiàta
ti fa 'na rrest'ae sarpi... chi ti stanchi
a purtalla 'n casa. Bella rizzagghiàta!
Ghiotta di cursa! 'Na sarpazza a ttesta,
eu 'i 'atti peri-peri, e 'a tàula fora:
agghia abbunnanti e pani ruru... Pesta!
'un cc'è cchiu vinu... E chi bbivemu ora?!
'N'amicu, 'mmiriusu e sfurtunatu,
passa friscannu, c'u rizzagghiu asciuttu:
-«A ffavurìri! » ...- Grazzi, nn'e manciatu
tutt'a simana!... E pi 'stasira agghiuttu!
Si va 'stutannu rintra 'u cufularu,...
si va gghinchennu 'i spini 'u limmiceddu,...
'u lantirneri già addumàu 'nto faru...
Si nèscinu li pipi. Un gattareddu
joca c'u picciriddu supr'aò muru.
- «Attìa, pigghia 'a chitarra! E tu, sciantùsa,
attacca 'dda rumanza: «Ò scuru- ò scuru»
...«- Qunnu ti scontru sula-aaa....
'mmezz'a chiusa-aaa... »
Passa un vuscaru a ccorcu, 'u sceccu arragghia: ...
...«Eh, sempri allegri ccà! Chi ciàur'i ghiotta!»
(vi facissiru pesta, 'i pisci e l'agghia!)
250
