Page 67 - ambiente
P. 67
2.o Centenario Chiesa Madrice
Favignana
Oh bedda, eu 'ssu mantu tuttu a stiddi,
chi Vi pigghiàstiu 'n mrazza a Vostru Figghiu
quannu scinnìu d'a Cruci- ed era un gigghiu
sarvaturi di granni e picciriddi -
su' ducent'anni chi ccà v'aduramu:
eu 'ss'occhi risulenti e 'u cori 'n celu,
vui siminati grazzii eu gran zelu,
miràculi chi cchiù nun li cuntamu....
Matri, chi pirdunati e chi 'n signati
e sempri surriditi e mai chiancìti,
Assunta nostra, chi gran cori aviti
( ...d'accussì ricca e mastra d'umiltati!),
quantu nn'aviti assortu e vattiati
- e poi aiutatu comu Vui sapiti
a crìsciri e a mòriri puliti
a fforza di prieri e scampaniàti!
Di piscatura e mastri, e di viddani
facìstivu cristiani sani e forti,
spargennu di l'Artaru, a vivi e morti,
amuri e carità- e paci e pani.
Quant'Arcipreti, Parroci e Parrini...
Quant'acqua biniritta , e ogghiu... e sali...
E prèrichi pi Pasqua e pi Natàli,
nuvèni, prucissioni, quinnicini!
253
