Page 71 - ambiente
P. 71
Siniazza
Un muru,
'n facci a' costa 'i mezzjornu,
c'u passu; e 'na zabbara chi lu sbarra;
un puzzu sfasciatu, c'u zàccanu
e du' parmi all'araba.
A ccentru, a urrìari 'u muru di maìstru,
'u urgu:
sicunnu epuca e annata,
un vacili o un parmu d'acqua
e tantu juncu.
Cu Dora e Flok
cc'emu nisciutu addineddi,
surci, beccaccini,
- e, 'nto lordu, tiribbussi sparpagghiati.
A' posta, rrari nivalori
'na grassotta,
tùrtuli 'nte miòpiri,
e 'na pàpara (sbagliata!).
'N facci a sciloccu, 'na sènia c'a casa:
('na fìmmina rossa rossa
c'amminazza e assicuta 'nto passu
'na picciridda).
Un mulineddu a ventu
supr'a casuzza di Turturici:
spissu, pi uri, l'unica cosa viva
di tuttu 'u panurama.
A llivanti, sutt'ò muru,
257
