Page 74 - ambiente

Ma fu un mumentu: ...
tocch'i spinedda
-a tuffuna com'a carn'i sceccu-
ittàti a capuzzuni
d'un piattu all'àutru;
mezzi cannati di vinu
(«Pachinu» 'n petra!) chi scumiava
'nte bicchera ranni...
Riscursi di fimmini senza nnomu;
risati e riordi,
pruggetti e cunfissioni
fra 'n aliva virdi scacciata
e un cuppinu d'agghia stimpirata...
Cos'i picciotti? - Mah!
Picciotti tutti, si, ma d'ogni età.
L'ecu du cori
paria un leccu, un cantu
di scialateddi 'mpruvvisati
fra i patri
e i nanni risuscitati
di 'ddi setti amicuna
assittati
- comu l'antichi -
senza rreula d'età
di cetu
di sangu
di cenzu:
stritti sulu d'amicizia e sincirità
avennu l n cumum•
'stu scogghiu
'stu mari
'stu distinu
'st'aria mmriaca di salinu

260