Page 73 - ambiente
P. 73
Spinedda a tinchitè
Cu' eranu,
eu' eranu 'ssi setti?
- Un campiunariu isulanu di 'mpigni:
un favulista anticu,
un certu 'ncantaturi di sirpenti,
un «teddy boy» abbuccatu,
un pueta baggianu;
un firili «Cumpagnu» pruvatu,
un patriarca picciottu,
un marinaru d'Ulissi scappatu d'a varca...
Quannu spuntau
'dda granni 'nzalatera
eu 'na spinedda ugghiuta
( ...mezzu crastu arrubbatu parìa!)
e un litru d'ammogghiu accummuratu
-all'arti, du mastr'i casa! - ,
'u postu, 'a liggi, 'a rrèula,
nnomu, arti, casatu,
...tuttu rignau ammiscatu!
Cci fu eu' rissi:
«Ccà nni manca unu »
( ...'dda certa rraricedda pi gruttari!) .
A 'sta nisciuta stunata,
'un si 'ntisi 'na musca:
scinnìu 'u silenziu
comu s'avissi carutu
'a tila pi traversu 'a matin'e Pasqua!
259
