Page 69 - ambiente

Siccarizzi

Amici stritti - iò, 'u cani e 'a varca-
semu aò Puzziddu. Iò, mezzu sbracatu,
ravant'ò 'n cufularu 'i giachi e d'arca;
«Nardillu» ittat'i chiattu eu 'n paratu; 1

'u cani chi mi varda... e si vavia
p'u ciàuru d'a gghiotta 'nta pignata....
Bunazza - comu fussi d'arbarìa -
'nta 'sta cuntrura 'i lugliu caliata;

'na vavicedda 'i ventu, 'n quannu 'n quannu,
'ncrispa 'na ziffa supra un specchiu 'i mari.
E' tantu sicca l'acqua chi, sbutannu,

'a triscia longa asciuca a lu calìu:
...'unn 'è di tutti sèntiri cantari
'ntunati -a coru - 'i chanchi e 'u me' bulìu! 2

VITO - Varazze, marzo 1953

1 la barchetta a remi
2 umore, voglia

255